هذه المدونة لنشر بعض الأراء,الأفكار والخواطر قد لاترقى الى حد الكتابات الاحترافية ولكنها في النهاية تطرح فكرة تستحق المناقشة ومشاعر تستحق التعبير عنها
حاضر ...عينيه
حاضر يا مصر
عينيه
هبيع تاني القضية
واحط وشي في حيطه
وهديكي القفا هدية
حاضر ياحزب الأغلبية
هلبس تاني الطاقية
وهختفيلك من الحياه
ولامؤاخذه السياسية
حاضر يا ست "الموضوعية"
بشويش وبالراحة
وواحده واحده عليا
ونشوف مطالبنا واقع
وواحده واحده عليا
ونشوف مطالبنا واقع
بعد ميت سنه ..مش قضية
اسف يا ست العجله
هبطل اعمل غلبه
ووريني هتمشي ازاي
وانتي مفسيه
مش قولتوا حريه؟
تغيير وكرامة انسانية؟
وزعقتوا زعقه شديدة
صحيتوا الأمل فيا
وفجأه في نص السكه
ما لقيتكوا جانبيا
هديت خلاص الزيطه
وسيبتوني وحديا
وكل الجموع الغفيرة
عالكنبه مستلقية
ابص على مطالبكم !
ألاقيها منسية
اسأل على قادتكم؟
عسكر وحرامية
حاضر يسيطه وسهله عليا
عشان العجلة والكنبه
والأستقرار والموضوعية
بس سؤال لحزب الأغلبية
رجعتوا في كلامكوا ولا
كات لعبة عيال هيه
الاشتراك في:
الرسائل (Atom)