بسم الله الرحمن الرحيم
نبتدي كلامنا كده و نقول المجلس العسكري
استنى يا عم انت هتسبني و تقوم من أولها ؟؟!! هو أنا لسه قلت حاجه؟؟!!
بس تصدق عندك حق
ماهو برضه في حاجات كده خطوط حمرا الواحد مينفعش يقرب منها
يا سنه سوخه ياولاد
الجيش....!!!!
هو حد ينفع يتكلم نص كلمة على جيش مصر؟
لأ طبعا مينفعش
واللي هيتكلم عنه هنقطع له لسانه
الجيش بالنسبة للبلد دي زي الدين بالنسبة للأنسان
لا يصلح عيش ولا قيمة لنا بدونه
بس هو محدش جاب سيرة الجيش على فكره
· إحنا بتكلم عن الريس
· يابني الريس مشي
· أه بس إحنا بنتكلم عن الريس اللي موجود دلوقتي
· هو في ريس دلوقتي ؟؟؟ إحنا لسه معندناش ريس!
· لأ في ...
هو عصام شرف رئيس الحكومة حلف اليمين قدام مين؟
· المشير طنطاوي
· اللي هو بيمثل ايه؟
· المجلس العسكري اللي بيحكم البلد
قصدك ان انت بتنتقد المجلس العسكري؟
· اه
· يعني المجلس العسكري وحش بقى
· مش مهم نعرف هو حلو ولا وحش
· يعني ايه مش مهم
· يعني المجلس العسكري ده مش شخص واحد ده عدة أشخاص
مش شخص واحد
وبعدين المجلس العسكري بالنسبة لينا شخصية إعتبارية للرئيس
إحنا لسنا في مجال تقييم للمجلس العسكري لكن إحنا بنقيم القرارات والسياسات بتاعتهم
ونحن لا نشكك بالطبع في وطنيتهم.....كفايه أنهم كانوا سبب رئيسي في نجاح وحماية الثورة المجلس العسكري يمثل الأن رئيس الجمهورية
· وإنت إيه اللي مش عاجبك بقى؟
· القناعه؟
· يعني إيه؟
· قناعة المجلس بالثورة ومحاربة الفساد
· إزاي مش فاهم
· تخيل إن إنت أخويا الكبير و أنا إتضربت في خناقه
· تمام
· واللي ضربني ده كان صاحبك أصلاً
· اه هنا المشكلة
· أنا بقى قعدت أقنعك إن أنا إتظلمت وإن اللي ضربني هو اللي غلطان في الحاله دي قدامنا حل من تلاته
1. إنك تقتنع بكلامي و تنزل تضربه علقه سخنه ماينساهاش
2. انك متقتنعش أصلاً فمتعملوش حاجه
3. أو أنك تأخد موقف وسط و تبقى محرج من صاحبك وأنا أفضل أضغط عليك فتقوم نازل ضاربه بالراحه و تقوللي "عاوز إيه تاني مانا ضربتهولك أهو؟؟؟!!"
إحنا فى في الوضع رقم 3
· قصدك الجيش؟
· لأ المسئولين؟
· يعني الجيش
· لآ المسئولين عن البلد
· ماهو ده الجيش
· لأ ده المجلس العسكري بصفته رئيس للبلاد بس مش لوحده برضه
· مش لوحده إزاي؟
· يعني في حكومة معاه
· قصدك عصام شرف؟
· لأ الحكومة كلها
· بس ده رئيس الوزراء اللي إختارته الثورة
· وإيه المشكله ؟
· مش جايز يكون مضغوط عليه؟
· خلاص يقول
أو يستقيل و يقول أنا أستقلت عشان الضغوط اللي عليا
· بس البلد مش مستحمله
· مش مستحمله إزاي ؟
· يعني الإعتصامات والإضرابات موقفه حال البلد
· قصدك اللي بتحصل يوم الجمعه؟؟ ده أجازه يابني
· لأ وطول الأسبوع.....ده المصانع واقفه وعجلة الإنتاج في تباطؤ مستمر
· انهي مصنع اللي واقف؟ وعجلة الإنتاج دي كانت ماشيه بسرعة كام؟
· معرفش بيقولوا المصانع واقفه بقالها كتير
· طب بقالهم قد ايه؟
· معرفش
· أصل العامل اللي شغال في المصنع ده أكيد محتاج مرتبه حتى لو كان قليل فكبيره يعني هيقف يوم يومين .....اسبووووع لكن هيرجع يشتغل تاني
لكن على العموم سهله ...يدونا قائمه بالمصانع اللي واقفه والشباب اللي هيموت على البلد ده ينزل يكلم العمال ولو موفقوش انشاء الله حتى ندورها بأدينا......مفيش أكتر من العواطليه في البلد
· طب والإقتصاد اللي بينهار ده ....بيقولك الإحتياطي النقدي هيخلص وعجز الموازنه بيزيد
· طيب هو كان كام و بقى كام؟
· معرفش بيقولوا 190 مليار
· ليه هي الموازنة كلها بكام؟
· معرفش
· قوللي انت قريت الموازنه قبل كده؟
· لأ انا مكنتش متابع خالص
· اه عشان كده انت مخضوض
طيب انا هديك شوية أرقام تساعدك
· سجل الناتج المحلى الاجمالى خلال النصف الأول من السنة المالية
2011/2010 معدل نمو حقيقى قدره 5.5 % مقارنة ب 4.8 % خلال
الفترة يوليو- ديسمبر
2009/2010
· انخفاض نسبة عجز الموازنة الكلى إلى الناتج المحلى خلال الفترة يوليو-
2011 ب 0.4 نقطة مئوية ليبلغ 94 مليار / مارس من العام المالى 2010
جنيه أى 6.8 % من الناتج المحلى الإجمالى مقارنة بعجز قدره 86.9 مليار
جنيه ) 7.2 % من الناتج المحلى( خلال نفس الفترة من العام السابق.
• ارتفاع نسبة الدين المحلى لأجهزة الموازنة العامة ارتفاعاً طفيفاً ليصل
إلى 64.5 % من الناتج المحلى فى نهاية ديسمبر 2010 ليسجل 889.2
مليار جنيه.
· استمرار تحسن مؤشرات الدين الخارجى فى نهاية ديسمبر 2010 على
الرغم من الارتفاع فى رصيد الدين بنسبة 5.1 %، حيث انخفضت نسبته
للناتج المحلى من 15.1 % فى نهاية ديسمبر 2009 إلى 14.7 % فى نهاية
ديسمبر 2010 ليبلغ 35 مليار دولار خلال فترة الدراسة مقابل 33.3
مليار دولار فى نهاية ديسمبر من العام السابق.
· سجل معدل النمو السنوي للسيولة المحلية في نهاية فبراير 2011 نحو
12.2 % فى مقابل معدل نمو سنوى قدره 11.8 % فى نهاية الشهر
. الماضى ومقابل 9.5 % فى نهاية فبراير 2010
· ارتفع معدل التضخم السنوى لحضر الجمهورية خلال شهر مارس 2011
مسجلاً 11.5 % مقارنةً ب 10.7 % خلال فبراير 2011 . بينما انخفض
معدل التضخم الأساسى خلال شهر مارس 2011 ليسجل 8.54 % مقارنة
ب 9.5 % خلال الشهر السابق.
· وقد ثبتت أسعار الفائدة للإيداع والإقراض لمدة ليلة واحدة - للمرة الثانية
عشر على التوالى وذلك خلال اجتماع لجنة السياسات النقدية الذي عقد
.% في 10 مارس 2011 - عند 8.25 % و 9.75
2011
· حقق ميزان المدفوعات خلال النصف الأول من العام المالى 2010
فائضاَ كلياَ بلغ 0.6 مليار دولار
، وهو ما يقل عن الفائض المحقق خلال
نفس الفترة من العام المالى السابق المقدر بنحو 2.7 مليار دولار
فهمت حاجه؟
على فكره لو مفهمتش ماتجيش تقوللي بقى الإقتصاد بينهار
بس أنا برضه هساعدك
من غير ما تفهم معاني الكلام التقرير ده طالع في إبريل 2011
ومصدره وزارة الماليه
لكن مش ملاحظ حاجه
الأرقام قريبه من بعض
مش ملاحظ كده
يعني مفيش رقم شكله شاذ أو غريب
خللي بالك ده في بعض الأرقام إيجابية
لأ وكمان ده في أرقام بتغطي فترة يناير وفبراير اللي هما عز الأزمه
واللي إحنا دلوقتي بالتأكيد وضعنا أحسن منهم
· قصدك تقول إن الإقتصاد زي الفل؟
· لأ طبعاً إحنا إقتصادنا مكانش زي الفل قبل الأزمة عشان يبقى زي الفل بعد الأزمه
لكن هو التأثير مش بالفظاعه اللي أنت فاكرها دي
· طب يعني أنتوا عاوزين إيه تاني ما كل المطالب تحققت؟والمجلس شغال ومش ملاحق أهو؟؟!!
· أنا بسمع الجمله دي من يوم 28 يناير من قبل ما أي مطالب تتحقق أصلاً
مطالبنا مش أنهم يقولوا لنا أنتم جيل عظيمو عملتوا ثوره
مينفعش تبقى المطالب بتتحقق و قانون الأحزاب السياسية يطلع من غير مشاركه مننا
ومينفعش المطالب تتحقق و يطلع قانون يجرم المظاهرات
ومينفعش المطالب تبقى بتتحقق والمتظاهرين يتحاكموا محاكمات عسكريه
ومينفعش المطالب تبقى بتتحقق ومفيش ولا واحد إتحاكم بقالنا 4 شهور
قالولنا بنأخد وقتنا عشان نظبط ورقنا ونمسك قضايا الفساد
وبد ما يمسكوها الكسب المشروع يقولك مش لاقين حاجه و هنفرج عنهم عشان سنهم كبير
طب ماهم سرقوا و سنهم كبير
عاوزين نشوف البلد مختلفة زي ما كانت مختلفة فعلاً ال18 يوم بتوع الثورة
فاكر ال18 يوم بتوع الثورة؟
· أه كانت أيام جميله....الواحد مش عارف إيه اللي حصل؟
· اللي حصل أن اللي قاموا بالورة مش هما اللي بيحكموا دلوقتي و في نفس الوقت رجعوا لشغلهم و لحياتهم تاني
فاللي ظهر على المشهد هم أصحاب المطالب الفئوية و الشخصية ومن يبدون مصالحهم على الصالح العام
لكن الثورة
الثورة ولا كان فيها فتنه ولا بلطجه ولا نزاعات سياسية ولا فزاعات
الثورة شبابها وقفوا يحموا بلد كامله باللجان الشعبية خللوا البلد كلها في أمان
الي بيعطل البلد مش المطالب
اللي بيعطل البلد تأخير المطالب
مأنت لما بتأخر تحقيق المطالب بتخليني أنزل تاني و تالت و رابع
· خلاصة الكلام إيه يعني؟
· خلاصة الكلام إننا عاوزين نوجه رسالة للسيد رئيس البلاد
أياً ما كان إسمه أو صفته
مجلس عسكري......مجلس رئاسي.....رئيس مدني منتخب.....رئيس الحكومه.....كل من هو مسئول
رجاءً
نريد بعض الشفافية تصاحبها الأدلة
ما عدنا أغبياء وما عدنا نصدق كل ما يقال
لن نتخبط كثيراً لأن الحقيقة أصبح الوصول إليها لا يتطلب الكثير من عناء البحث
الشفافية قد تجعلنا نختلف في وجهات النظر ولكنها أبدأً لن تصل بنا إلى الشك في المصداقية
فقط التعتيم يؤدي بنا إلى هذه المرحلة بكل ما فيها من تشكيك و تخوين و صراعات نتيجة لإختفاء الحقيقة القاطعه والموقف الوضح فعلاً وليس قولاً
قناعتكم يجب أن تتفق مع قناعتنا فإرادتنا هي التي صنعت ثورتنا و نتائجها يجب أن تنبع من تلك الإراده
عزيزي المواطن البسيط هناك دائماً نقطه وسط فمن يختلف معك ليس خائن وإقتصادنا عندما يضعف لن ينهار و السلفيون إذا تكلموا وظهروا على الساحة لن يحكموا البلد
جيشنا العظيم لست محل تقييم فثقتنا فيك منقطعة النظير فهيبتكم و كرامتكم من هيبة وكرامة هذا الوطن الذي لا نقبل أن تمس
مجلسنا العسكري طالما أرتضيت ثوب الرئاسة فأنت تتخذ قرارات قد تخطئ و قد تصيب
وبالتالي فسياساتك محل النقد و النقاش الذي يسهل من مسألة توصيل المطالب الشعبية و تنفيذها بشكل يرضي الأغلبية العظمى من الشعب
أما بالنسبة لأصدقائي الملتحقين بحزب الكنبه
والنبيييي مانتوا قايمين
سلامو عليكم
