مسكت قلمي اكتب كلمتين
كتبت بحب
سكت قلمي و قاللي طب بتحب مين
بحب ابويا و امي يا اخي زيي زي كل البني ادمين
و بحب بلد انا عايش فيها من سنين
ماشى برضه مقلتلييش بتحب مين
بحب صاحبي اصله جدع معايا وبجد انسان امين
و بحب كلمه كتبتها لما ارجع و افتكرها بعد يوم او يومين
برضه تاني هسألك بتحب مين
بحب واحده
بحب واحده مش زي كل البني ادمييين
بحبها اوي و كل ما ابعد عنها ياخدني الحنين
ده انا حتى كل ما اجي اوصفها اتوه وسط الكلام الجميل
رقتها وجمالها و شقاوتها حاجه تطير العقل السليم
ولا قلبها.....اه من قلبها لما يدق دقتين
تنسيك الدنيا و الناس و الوجع و الأنين
اما ابتسامتها بقى فهى دوايا من حزن السنين
ولا....ولا....ولا
بس بس بس
دلوقتي بس عرفت لما مسكت القلم و كتبت بحب
كان قصدي اقول بحب مين
احيك للمرة الثانية ..
ردحذفعشان نحافظ على السياق الفني، حاعيد كتابة التعليق بتاع الفيس بوك
ردحذفقلمك كتب، والا الايدين؟
لو القلم ماعرفش، امال هنسأل مين؟
قلمك غلس..
عارف وساكت واحنا مش عارفين.
حاول معاه، في لحظة صفا وانتوا كدة رايقين
ولو عرفت انت استخدم قلم غيره
واكتب عشان نعرف...
بدل سيادة القلم مايحط مناخيره،
ويتحشر نقرف...
ويسألك بغلاسة زي البني آدمين
بتحب مين؟