بنشكركم
بحق كل صرخة أسى
بتطلقها أم شهيد في وسط سكوتكم
بنشكركم
بوزن كل حلم إتنسى جرينا وراه
وضيعتوه بتخوينكم
بنشكركم
عدد ما شيلنا في نعوشنا
شهدا على كتافنا
ماتوا وهما بيدعولكم
بنشكركم
باسم الحب واسم الحق
وباسم كلام بيجلد جلد
وباسم براءه قتلتوها
وباسم فتاة سحلتوها
وباسم طهارة استباحتوها
بنشكركم على كلمة
" خربتوها "
بنشكركم ومبتسمين
بنشكركم ومتفائلين
بنشكركم بس منسحبين
مقدرناش نكون خاينين
معرفناش نكون واطيين
رفضنا تلوث عقولنا الطين
متاجرناش بأسم الدين
أبينا نحط إيدنا في وسط إيدين
بيقطر منها لسه الدم
بنشكركم
احنا الشباب اللي كان طاهر
واحنا الأمل اللي كان ظاهر
واحنا الحق اللي كان ظافر
واحنا الحمام اللي كان طاير
واسقطوه ببنادقكم
احنا الزمان اللي كان بكره
واحنا السكوت اللي كان فكرة
واحنا الميدان اللي كان عبرة
واحنا الشهيد اللي كان زهرة
ودهستها بيادتكم
بنشكركم على صمودكم
في وش كل شئ صالح
وبنحييها عزيمتكم
في حصد عيون
شباب طارح
ونستغرب لقوتكم
وجرح بلادنا
في الجسد سارح
بنشكركم
بنشكركم على صمودكم
في وش كل شئ صالح
وبنحييها عزيمتكم
في حصد عيون
شباب طارح
ونستغرب لقوتكم
وجرح بلادنا
في الجسد سارح
بنشكركم
بنشكركم
ونرجوكم
بأن تشحذوا مقاصلكم
وأن تعقدوا مشانقكم
ولا تحصونا شهدائكم
ولا تعدونا أبنائكم
فما عاد يسعدنا
بأن نصبح خطيئتكم
وما عاد يشرفنا
بأن نصبح خطيئتكم
وما عاد يشرفنا
بأن نحيا بأوطانكم
و دي برضه حقيقية و قاسية !
ردحذف