كتبت في 04/01/2010
سكت فجأه و مش لاقي حاجه تقولها ليه؟
خلصت جواك كل المشاعر ولا إيه؟
غمض عيونك
و إصحى بجنونك
هتلاقي قلبك لسه فيه
من كل قصة كلمة حلوة
وفي كل حلم فكرة تناديه
سكت فجأة ومش لاقي حاجة تقولها ليه؟
ماتت فنونك ؟
كتمها خوفك؟
ولا الحكاية أخرها إيه؟
خلصت ورودك؟
و لا همومك
حابسه قلبك بين ماضيه؟
الماضي راح
رغم الجراح
و بكره ماله ذنب فيه
و إن كان له ذنب
هتعمل إيه؟
هتشتكيه؟
مش هتلاقيه
عشان يومين و يبقى ماضي
و غصب عنك ترضى بيه
و ما يبقى فيه
غير كلمة حلوة
هتعرف تقولها ؟ولا هتسكت؟
ولا إيه ؟؟؟
و غصب عنك ترضى بيه
و ما يبقى فيه
غير كلمة حلوة
هتعرف تقولها ؟ولا هتسكت؟
ولا إيه ؟؟؟
ليست هناك تعليقات:
إرسال تعليق