انا عمري ما سافرت بره
بس في مصطلح بيتهيألي انه مش موجود غير في مصر و بعض الدول العربيه
"أنا ماليش في السياسة"
"أنا ماليش في السياسة"
تلاقي الواحد فينا طالع عينه وعنده مشاكل تهد جبل
و اول ما تبتدي تتناقش معاه بطريقة ان المفروض المسئولين يعملوا كذا وكذا وكذا ياخد خطوتين لوا و يقولك
"أنا ماليش في السياسة" ثم يستطرد في سرد مشكلته
"أنا ماليش في السياسة" ثم يستطرد في سرد مشكلته
هنا تظهر علي الكثير من علامات التعجب
ليس فقط لأنه يقول "أنا ماليش في السياسة"
ولكن لأنه مازال يشكو
فما هو التصرف الذي يتوقعه مني هذا الشخص حيال مشكلته سوى أن أحاول أن اساعده في إيجاد الحل؟؟؟!!!
ولكن من ضمن المسلمات التي أقنعنا بها حكامنا من قديم الأزل وليس في عهد مبارك فقط "إن السياسة دي حاجه...ومشاكلنا حاجه تانيه خااااالص"
وكأن مشاكلنا من الكاننات الحيه التي تتكاثر ذاتياً
فما هو التصرف الذي يتوقعه مني هذا الشخص حيال مشكلته سوى أن أحاول أن اساعده في إيجاد الحل؟؟؟!!!
ولكن من ضمن المسلمات التي أقنعنا بها حكامنا من قديم الأزل وليس في عهد مبارك فقط "إن السياسة دي حاجه...ومشاكلنا حاجه تانيه خااااالص"
وكأن مشاكلنا من الكاننات الحيه التي تتكاثر ذاتياً
ولكن شدة القمع التي كانت تواجهنا في أي محاولة لمباشرة حقوقنا السياسية جعلت من كلمة سياسة خط أحمر لا يجب تعديه
أو جعلت منها نقطة بعيدة لانحاول النظر اليها
و بالتالي نحن نبحث عن حلول مشاكلنا بالنظر تحت أقدامنا
مما يؤدي بنا دائماً الى أنصاف الحلول التي لا تلبث إلا وان تقودنا إلى مشاكل جديدة قد تكون أكثر فداحة
السياسة هي طريقة إدارة الأمور
فالأسلوب الذي يتعامل به الأب مع أبنائه ....سياسة
والطريقة التي يتبعها المدرس في تعليم الطلبة ....سياسة
حتى عندما تذهب الأم لشراء إحتياجات المنزل من البقاله يكون لها سياسة
حتى عندما تذهب الأم لشراء إحتياجات المنزل من البقاله يكون لها سياسة
وتعالوا نفتكر أزماتنا كده كان أصلها ايه......؟
- إرتفاع اسعار العقارات و الشقق اللي خللى نص شباب مصر متهم بالتحرش الجنسي عشان مش عارف يجوز مش كان أساسها إرتفاع أسعار الحديد (أحمد عز) و إرتفاع أسعار الأراضي (أرضي الدولة اللي كانت بتتوزع ببلاش)
- وقفتك بال3 و ال4 ساعات على كوبر أكتوبر سببها ايه ؟ وأزمة الكهرباء اللي بدأو يطلعولنا بيها في الصيف و يقولك أصلكوا مركبين تكيفات سببها ايه؟مش سوق تخطيط؟؟
- أزمة العيش و البوتاجاز اللي كان بيموت فيها ناس غلابه و هما واقفين في الطوابير سببها ايه؟ (تصدير الغاز لإسرائيل و عدم زراعة القمح)
- لما مفيش ولا دوله (حتى الدول العربية) ضميرها يسمح لها انها ترفع اديها عشان ترشحك لتنظيم بطولة كأس عالم بعد ما يتصرف ملايين من دم الشعب على الملف بتاعك سببه ايه؟ (سوء إدارة و فساد إداري)
- لما الطماطم سعر الكيلو منها يوصل 10 و 15 جنيه (سواء بسب تصديرها لإسرائيل أو ان الج كان وحش و المحصل باظ) سبها ايه؟(علاقات خارجية وسوء تخطيط)
- لما نبقى مهددين باننا مانلاقيش الميه (أزمة حوض النيل) ده يبقى أسمه ايه؟ (علاقات خارجية)
- ابنك اللي بيتعلم في مدارس الحكومة و يطلع مش عارف يقرأ جملتين على بعض و هو في لإعدادية ؟ (وزارة التعليم)
طيب هي اراضي الدولة وإحتكار الحديد من أحد رموز الحزب الوطني و سوء التخطيط و العلاقات مع إسرائيل و عدم زراعة سلعة إستراتيجية زي القمح وسوء الإدارة والفساد الإداري و العلاقات الخارجية ووزارة التعليم ....كل دول ايه؟؟؟ مش سياسة؟
ولا انت فاكر ان السياسة هي إن السيد الرئيس إلتقى بالسيد المسئول و تحدثوا مع الوفد الأجنبي الذي يزور البلاد عقب جلسة في مجلس الشعب؟
انت كلامك صح ده جزء من السياسة
بس ماهو السيد الرئيس بيحدد مصير حضرتك
و السيد المسئول بيطبق النظام اللي بتمشي عليه حضرتك
والفد الأجنبي جاي عشان يستثمر في فلوس حضرتك
و مجلس الشعب هو اللي بيحاسب اللي بيغلطوا في حق حضرتك
يبقى ايه سياسة حضرتك
لسه شايف ان "مالكش في السياسة"؟؟
لو لسه شايف كده من فضلك...لا تستطرد في سرد مشكلتك!!
فأنصاف الحلول ماهي الا مسكنات لاتلبث أن تزول ويعود الألم شديدا ينخر في عظام جسدك المنهك
عاوز تحل مشاكلك
عاوز ترجع كرامتك
نفسك تعيش براحتك في بلدك
يبقى تنزل يوم 19 مارس و تتكلم في السياسة وتقول رأيك
بس خللي بالك
رأيك هو اللي هيحل مشاكلك
تخيل انك بكلمة بتحل كل مشاكلك
فاكر أصعب مشكله عندك فكرت فيها أد ايه
طب ماهو رأيك ده هيحللك أصعب مشاكلك
تخيل انك بكلمة بتحل كل مشاكلك
فاكر أصعب مشكله عندك فكرت فيها أد ايه
طب ماهو رأيك ده هيحللك أصعب مشاكلك
لو نزلت من غير ما تقرأ و تفهم و تسمع كل الأطراف
لو نزلت من غير ما تفكر
عمرك ما هتحل مشاكلك
بالعكس هتعقدها
ولو مش هتنزل
من فضلك ماتشتكيش تاني
من فضلك ماتشتكيش تاني
لأن معندناش حل لمشاكلك
وساعتها يبقى فعلاً
"مالكش في السياسة"
إقرأ أيضاً:
إقرأ أيضاً:
ليست هناك تعليقات:
إرسال تعليق