كتبت على خلفية أحداث كنيسة القديسين بالأسكندرية 2/1/2011
الأخوة و الأخوات
المسلمون منكم و المسيحيات
المسلمون منكم و المسيحيات
سلامٌ عليكم أو صباح الخيرات
صلوا على نبيكم
أو مجدوا الرب في السموات
أو مجدوا الرب في السموات
وافتكروا كل العمر اللي فات
افتكروا سنين عشناها
في دمع و ابتسامات
اللي صايبني هوا اللي صايبك
واللي غايظني هو اللي غايظك
واللي قاتلني هو اللي قاتلك
و القطر اللي فاتني
هو هو برضه فايتك
إحسب براحتك
وانا برضه لسه
واثق من صراحتك
ايه اللي جارحك
جوع و فقر؟
ولا ظلم ليل نهار
بينهش في لحمك؟
بينهش في لحمك؟
ولا جهل بات معشش عالقلوب
بيقل راحتك
بيقل راحتك
ولا تعبان من الحروب
اللي دايما مش في ساحتك
اللي دايما مش في ساحتك
قول براحتك
قدروا مره يعلوا ضغطك؟
ولا فقعولك مرارتك؟
طب جابولك مره واحد
نفسك تقوله يابجاحتك
قول براحتك
فضفض معايا
ما اصل كله حصللي و حصلك
ما تيجي ننزل نمشي في شوراعها الجميله
ما تيجي ننزل نمشي في شوراعها الجميله
أخ نسينا
ان الزحام راكب فوقينا
طب تعالى نخش سيما
ماشي موافق
بس خللي الحساب علينا
معرفش ليه جوايا فيه أحلام كتيره
نفسي اشوفها في احلى زينة
نفسي تتشجع و تطلع
من عنق تلك الزجاجة اللعينة
نفسي لما تمشي خطوة
تمشي بينا مش علينا
ياللا بقى ما علينا
ياه بسرعه الوقت فات
دانا يادوب الحق صلاتي
قبل ما تمر الساعات
قبل ماأمشي
تقدر تقولي فين هصلي
بعد ما سمعت سيرة العمر اللي فات؟؟!
ليست هناك تعليقات:
إرسال تعليق