كتبت في 7 أبريل 2010
أنا إنسان
محتاج تحس شويه أكتر بالمكان
ماعادش لسه في امان
كان ياما كان
كتر الكلام
لكن مالاقي غير كلام
حبة كلام و السلام
تعرف تقول كلمة إنسان
تعرف تخلي الخير يبان
تقدر تقول أنا مش جبان
طفل زمان كان ضحكه يوصل في السما لحد العنان
و كان جرئ رغم إنه كان ضعيف غلبان
ما كانش يملك حتى قوته(*)
بس صوته
كان يجلجل في المكان
كبر الصغير و عوده أستقام
عرف يقول كل الكلام
بس صوته غير زمان
معرفش لسه يقول إنسان
و لا يخلي الخير يبان
أصل الحكايه مش كلام
إصرخ و قول أنا إنسان
و أنا مش جبان
و عشان تقول
محتاج تكون أجمد شويه
زي زمان
(*) القوت هو ما يقتات به الإنسان (الطعام)
ليست هناك تعليقات:
إرسال تعليق